في ليلة النصف من شعبان.. تامر حسني يوّجه رسالة لـ”غفر الذنوب”

تامر حسني لجمهوره: “انتهزوا فرصة التخلص من أي ذنب كبير”

قدّم الفنان المصري تامر حسني عدة نصائح لجمهوره ومتابعيه بمناسبة حلول ليلة النصف من شعبان، من أجل استغلال هذه الليلة المشهورة برفع الأعمال وقبول الدعاء، وطالب إياهم بالدعاء له، كما وجه نصيحة إلى كل من أخطأ في العام الماضي بعدم اليأس من محاولة التطهر، سواء بالصيام أو الدعاء.

وفي التفاصيل، نشر القنان تامر حسني عبر حسابه الرسمي على إنستغرام رسالة مطوّلة قال فيها: “صباح الخير على أغلى الناس.. معلش بعد إذنكم اقرأوا كلاميللآخر (نص شهر شعبان) من النهاردة لبكرة أعمالنا بتترفع لربنا يعني كلنا نلحق نستغفر ونطلب من ربنا يسامحنا”، وتابع: “محدش يتخيل إنه عمل أخطاء كتير فمالوشعين يطلب.. لا لا لا مهما عملت أطلب حالا ويا ريت لو نصوم بكرة أنا هعمل كدة.. أي حد عنده شغل يا ريت يفضي شوية وقت عشان يستغفر ويدعي كتير بقدر الإمكان،اليوم ده ليه سحر وأنا جربته كتير قبل كده وهتحسوا في قلوبكم إن فيه حاجة اتشالت من عليكم وبقيتوا مبسوطين أكتر، أدعوا بكل اللي تتمنوه أوي أوي”.

واستكمل: “فرصة لأي حد عمل ذنب كبير غصب عنه أو قاصد بس ندمان، فرصة إن ربنا يسامحه دلوقتي بس نفتكره ونطلب منه، يلا يا جماعة من دلوقتي لبكرة اعتبرواأن ده يوم بسنة كاملة وجايز بكرم ربنا يبقى يوم بحياتك كلها اجتهدوا فيه أوي من صلاة، من تصدق، من ذكر، من دعاء، من صلة رحم، اليوم ده تقدر من خلاله تبدأصفحة جديدة مع نفسك ومع ربنا، أوعى تحس إنك بعيد ومتسمعش كلام أي حد يقولك يا عم انت بتعمل وبتعمل قوله ملكش دعوة، ليا ربنا هيحاسبني مش أنت”.

وأضاف: “نخلي عندنا يقين مش عادي، ركزوا على كلمة يقين مش عادي إن ربنا سامعنا وهيستجيب لنا وهيحققلنا اللي بنتمناه واللي هيكون صالح لينا وهيسامحنا.. عشان تفرق كتير أوي لو بتدعي وعندك يقين أو معندكش بتفرق كتير أوي صدقوني، ومتنسوش تدعولي معاكم بعد أذنكم محتاج دعواتكم جدًا”.

أحدث أعماله الفنية

وعلى الصعيد الفني، طرح الفنان تامر حسني مؤخراً عدداً من أغاني ألبومه “هرمون السعادة” ومنها أغنية “موضوع رجوعنا” كلمات تامر حسين، ألحان مدين، توزيع وسام عبد المنعم، كما طرح أغنية “موحشتكيش” وشاركته كموديل بالأغنية الفنانة الشابة ثراء جبيل، إلى جانب أغنية “معلش” في تعاونه الأول مع مطرب الراب زابثروت.

About Post Author

Facebook
Twitter
LinkedIn