وجّهت الفنانة المصرية ليلى زاهر، رسالة شكر للمخرج والملحّن هشام جمال، بعد تصوير أول أغنية لها تحت إشرافه، واصفةً إيّاه بـ “الأخ والصديق”، مؤكدة على أنه يقف وراء أيّ نجاح لها، نظراً لتعاونه معها بالرغم من إنشغاله
زاهر: إنت أول واحد وقفني قدّام مايك
قامت زاهر من جانبها بنشر صورة تجمعها بجمال، عبر حسابها الرسمي على الإنستغرام، وأرفقتها بتعليق كتبت فيه: أنا طول عمري بقول إنك دايما بتكون سبب في أي نجاح نجحته بعد ربنا، لكن المشروع ده أنا عايزة أشكرك عليه بشكل خاص قدام كل الناس، لأني أول ما سمعتك الأغنية عشان آخد رأيك كنت مبسوط وفخور بيا جداً لأنك أول واحد وقفني قدام مايك
وأضافت قائلة: “أول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك 3000 حاجة، ومع ذلك مقصرتش معايا ولا مع الكليب لحظة… وده يدلّ على إنك راجل محترف جدا في الشغل، وعلى المستوى الإنساني أخويا وأقرب صديق ليا اللي دايما بيشجعني وفي ظهري”، كما إختتمت منشورها بالقول: شكراً يا هشام على كل لحظة اديتها للكليب ده من جوه قلبك، والحمدلله الرسالة الفنية اللي إنت قدمتها في الكليب وصلت لناس كتير الحمدلله، شكرا يا أجدع وأنضف أخ في الدنيا …. ويارب دايما ناجح
ردّ هشام جمال عليها
من جانبه ردّ جمال على زاهر من خلال تعليقه على ذات المنشور فقال: “يا ليلى انتي بتنجحي عشان موهوبة وشاطرة ومحترمة….. ” وأضاف: وعايزك تبقي عارفه إني إشتغلت كده عشان كنت مبسوط وإحنا شغالين مع بعض ومبسوط أوي باللي وصلناله الحمدلله
جمال سعيد بنجاح الأغنية
ومن جهة أخرى كان قد عبّر جمال أيضا عن سعادته العميقة بعد نجاح أول تجربة غنائية لزاهر، حيث نشر عبر حسابه على الإنستغرام مقطعا من الأغنية التي تحمل اسم “كلمة أخيرة”، وأرفقها بتعليق: مبسوط جدا للمستوى الفني لأول تجربة غنائية لليلى أحمد زاهر….. مبروك يا ليلى ومبروك للمحترم أحمد زاهر، وتستاهلوا كل خير ونجاح… وشكراً بجدّ لكل الناس اللي تعبت معانا في الكليب، والحمدلله إن ربنا وفقنا
أغنية كلمة أخيرة
وكانت زاهر قد دخلت عالم الغناء بأغنيتها “كلمة أخيرة” من كلمات الشاعر محمد حسن وألحان وتوزيع إسلام زكي، ونجحت الأغنية في تحقيق نجاح كبير، حيث حققت مشاهدات وصلت إلى 308 آلاف خلال يوم واحد فقط من طرحها على اليوتيوب
About Post Author
