محمد رمضان يعتذر عن صفعة الشاب
حرص الفنان المصري محمد رمضان، على الاعتذار من الشاب الذي صفعه في مراسي بالساحل الشمالي، الواقعة التي أثارت جدلًا بين رواد مواقع التواصل الأجتماعي وتصدر محركات البحث “غوغل”، مؤكداً أنه لم يتمالك أعصابه حين أخطأ الشاب في اسمه، خاصة أن الشاب كرر فِعلته مرتين.
وشارك الفنان محمد رمضان من خلال حسابه الرسمي على إنستغرام، فيديو وهو يعتذر لأهل الشاب، موضحًا أنه لم يتمالك نفسه، وعلق رمضان على أزمة الصفعة قائلًا : “الجمهور العدل، الأصيل، الغالي ألف شكر، وربنا مايحرمنيش منكم على وقفتكم معايا ومساندتكم وقرأت وسمعت قد ايه دافعتوا عني، وقد ايه غلطتوا الولد الصغير، ولكن الفيديو ده برضه عامله عشان أعترف الخطأ وأعتذر لأهل الولد الصغير اللي أنا إيدي اتمدت عليه وأنا عارف أنه عيل صغير”.
وتابع: “وهو لما غلط في الأول قلعتوا الكاب وبصيت في وشه لقيته عيل صغير قلت له اسمك ايه يا حبيبي؟، وسيبته ومشيت ولما رجع غلط تاني لفيت قلت له هات التليفون خباه ومتملكتش نفسي وضربته قلم بسيط، القلم البسيط ده طير له الكاب من على راسه والنضارة اللي كان لابسها، ولو اعتبر النموسة اللي وقفت على خدي قلم فأنا أستاهل من النموسة دي خمسة علشان أنا مديت أيدي على عيل صغير، ودي لا رجولة ولا بطولة ولكن أنا لم أتمالك نفسي ودي الغلطة اللي أنا طالع أعتذر عنها”.
واختتم حديثه قائلاً: “لما أخدت تليفونه ومسحت الفيديو حد قالي اكسر له التليفون عشان ميعملش كده تاني، قولت له طب هو غلط أبوه وأمه ذنبهم ايه يغرموا تمن تليفون تاني خاصة أني عرفت أنه من قرية اللوتس وجاي يتفسح في مراسي، قلت لهم روحوه، الأمن قالي هنعمله محضر عشان، قولت لهم يروح بعد أذنكم”.
محمد رمضان يصفع شاب
بدأت الواقعة كما ظهرت في الفيديوهات المنتشرة على السوشيال بوجود محمد رمضان في أحد الأماكن العامة والتفاف الجمهور حلوة، ويفاجئ رمضان بهذا الشاب يُصوره ويتحدث عنه بشكلٍ غير لائق، ما دفع محمد رمضان للذهاب ناحية الشاب مسرعاً وهو يصرخ: “طلّع الموبايل” ثم صفع الشاب على وجهه، ليرد الشاب هو الآخر يصفع محمد رمضان أمام المتواجدين.
About Post Author
